http://www.tyyl.no/images/NyTopp.jpg
Nyheiter Tyyl! Konsertar Lyd Video Tekstar Bilete Kontakt


20.02.2012: Finn nyheiter om Tyyl! på Facebook

Heretter vil du finna det meste du treng å vita om kva som skjer med Tyyl! på Facebook-sida vår. Tommel opp!

- Tyyl! -



17.02.2012: Mjelk & Honning

Me er stolte av å kunna presentera videoen til låten "Mjelk & Honning" frå det kommande albumet.

Videoen er produsert i samarbeid med Bratt Moro og Falkeblikk. Du finn en under fana Video.

Framfor kamera:
Johan Moene, Dagfinn Rude Johannessen, Ingolf Yttri, Trygve Nes, Steinar Nes, Henrik Langeland, Dagfinn Sværen Henjum, Hans Kristian Henjum, Tyyl!
Bak kamera:
Håvard Nesbø, Per Odd Grevsnes, Torkjel Solbraa, Tore F. Lie, Håvard Halvorsen, Lyder Janøy, Vegard Loftesnes

Tyyl! på Facebook.

Kjærleik!

- Tyyl! -


05.08.2011: Ny plate ferdig innspelt

Jaaaaaaaarao! Tyyl! har nytta tidi sidan forrige oppdatering her på tyyl.no godt, og me er stolte av å kunna annonsera at vårt andre album allereie er ferdig innspelt.

I løpet av 9 intense julidagar på Fardal gard fekk me festa 10 ellevilt rockande låtar til band. Denne gongen valgte me å gjera innspelingi litt annleis enn me har gjort tidlegare, mellom anna ved at me spelte sokalla "live i studio" (som seg eigentleg hør og bør). Også denne gongen hadde me med oss stjerneprodusenten Arne Aasland. Sjølve føler me at me har ridd ei kreativ bølgje i prosessen med å laga denne plata, og me gler oss til å sleppa ho laus til dykk ein gong på nyåret. Me planlegg imidlertid også å sleppa ein singel i løpet av hausten, so her er det berre å følgja med. Du kan lesa meir om innspelingi her.

Sidan sist har me også vitja Garage i Bergen og Musikkfest i Florø. Tusen takk til alle som var med på å gjera dette til to fantastisk flotte konsertkveldar. No står Grønland Hotnights EtterØya på Gloria Flames 10. august, Målrock i Årdal 19 . august og Glopperock i Sandane 20. august for tur. Me sjåast!

- Tyyl! -


22.10.2010: Ålesund, Trondheim, Oslo og Halden

Tyyl! held fram den endelause turnéen og kjem til Vega Rockbar i Ålesund (fredag 12. november), Studentersamfundet i Trondheim (laurdag 13. november), Last Train i Oslo (torsdag 13. januar) og Feelgood i Halden (fredag 14.januar).

Forrige gong me spelte i Trondheim hadde me ein aldeles storarta kveld på Knaus saman med mange flotte og ivrige Tyyl!-fans - sjå til dømes her. Denne gongen tek me tråppi ned til Klubben, der me får med oss oppvarmingsbandet Teenage Poster Computer Club, med John Bøthun i spissen. Konserten i Halden blir vår første i Østfold, som dermed blir det tiande fylket som får besøk av Tyyl!.

Me vil også nytta høvet til å takka alle som møtte fram og bidrog til å skapa ein heilt fantastisk stemning på sleppfesten for Ber Bod på Gloria Flames. Theodor Synnestvedt har dokumentert det heile med sitt stødige kamera. Du kan sjå nokre av bileta i biletgalleriet her på tyyl.no.

Samstundes kan me melda at arbeidet med materiale til ei ny plateinnspeling er i gang for fullt. Følg med!

- Tyyl! -


17.09.2010: Ugh!

Ber Bod er på Spotify. Lenke her.

Hugs konsert på Gloria Flames i Oslo laurdag 25. september. Fri entré!

- Tyyl! -


06.09.2010: Tyyl! - Ber Bod

Me har blødd. Me har sveitta. Me har grete. No er dagen endeleg her - Ber Bod er på marknaden!

Du kan kjøpa heile plata, eller enkeltlåtar, i MP3-format frå beat.no, platekompaniet.no, iTunes, musikkonline.no eller play.com. CD får du kjøpt hjå CDON eller i din føretrekte platebutikk.

Albumet er også å finna på Wimp. Spotify kan me dessverre ikkje tilby enno, men me håpar å få til dette i løpet av kort tid. Tekstane finn du under fana Tekstar her på tyyl.no.

Sleppet vert markert med konsert på Gloria Flames i Oslo laurdag 25. september. Her er alle sjølvsagt hjarteleg velkomne. Me går på scenen kl 21.00 - fri entré. Hurra!

- Tyyl! -


30.07.2010: Eksklusiv førehandslytt

Du kan no lytta til heile Ber Bod på YouTube. Dersom du vel å "sjå" videoane i HD, vert lydkvaliteten også betre.

Tekstane finn du under fana Tekstar her på tyyl.no. Enjoy!

- Tyyl! -


26.07.2010: 4 låtar live i fjernsyn og radio

Klikk her for å sjå og høyra Tyyl! sitt bidrag til NRK si livesending frå Malakoff Rockfestival på Nordfjordeid. Låtane du høyrer er Evig Mas, Revolusjon, Syndefloden og Tabla, som alle er henta frå det kommande albumet Ber Bod.

- Tyyl! -


19.03.2010: Siste hand på verket

Etter månader med hardt arbeid er me no i ferd med å avslutta innspelinga av det som blir vår første fullengdar. På grunn av diverse uføresette hendingar undervegs, maktar me ikkje å sleppa beistet på dykk so tidleg som me annonserte i fjor haust. Og sidan mykje framleis er uklart, ønskjer me no å vera forsiktige med seia noko som helst om kva tid plata blir å finna i butikkar og på nett.

Det me imidlertid kan seia er at dette blir FEITT! Produsent Arne Aasland har gjort ein kjempejobb med å fanga musikken vår på band, og me føler sjølve at me har nådd nye kreative høgder undervegs. Truleg har skiftet av studiolokale frå Hersleb til Vålerenga slått positivt ut. Den siste tida har me til dømes lagt matpausane våre til det ærverdige vertshuset på Enga, der me som sogningar nyt stor respekt takka vera Tommy Øren sitt nådestøt på Ullevål hausten 2000. Stinne av sjølvtillit har me returnert til studio og lagt ned hardtrockande episke spor.

Ellers vil me senda ein stor takk til alle dykk som møtte fram under konsertane våre i Bergen, Sogndal og på Systrond no på nyåret. Me storkosar oss og registrerer med glede at tekstane byrjar å sitja hjå so mange av dykk. Det er også kjekt med alle dei gode tilbakemeldingane me får! Neste stopp på den endelause turnéen er agronomstaden Ås i Akershus. Der spelar me laurdag 24. april under det som vert kalla Mini-UKA, eit arrangement som også har Raga Rockers, John Olav Nilsen & Gjengen, NM i Grandiosa og 3000 meter øl på plakaten. Ellers er det berre å følga med på Konsertar-fana her på tyyl.no

Kjærleik!

- Tyyl! -


12.01.2010: Til Bergen med rock

Fredag 22. januar kjem Tyyl! til Bergen og Hulen for å ta del i den regionale Zoom-finalen. Me lovar å gje dykk fuzzdirrande rock i samfulle 30 minutt og håpar me kan stikka av med sigeren i konkurranse med dei flotte artistane i Blumashin Raporkester, Father of a Thousand Kids og Babe Rawlins.

Tyyl! er også stadfesta til den årvisse låvedansen på Voss fredag 25. juni, samt at me er i forhandlingar med fleire sommarfestivalar. Elles går arbeidet i studio sin gang. Me er inne i sluttfasen av innspelinga og har funne oss godt til rette i Arne Aasland og Sounderground sine nye lokale på Vålerenga i Oslo. Slik det ser ut no, kan langspelaren vera klar for utgjeving i mars/april.

- Tyyl! -


04.12.2009: Der kjenner eg kvar sti og veg

Det er med stor glede me kan melda at Tyyl! tek ein pause frå studioarbeidet for å gjera ein ekslusiv konsert under Veka i Sogndal 21. februar. Saman med The Generous Days og John Olav Nilsen & Gjengen er me fast innstilte på - og nærast forplikta til - å laga eit skapleg haraball i heimbygda.

Ellers er det klart at me gjeninntek studio mandag 14. desember. Sounderground har no funne seg nye lokale, etter at dei gamle måtte stengast på grunn av asbest i lufteanlegget. Sjå også nye bilete under fana Bilete.

- Tyyl! -


19.11.2009: Asbestrockarar frå Fardal med frekk video

For å stilla Tyyl!-fansen sin hunger etter levande bilete med tilhøyrande lyd, lanserer me i dag det som med litt velvilje kan kallast ein video. Det er den gamle slageren Først som andremann frå EPen Atterava? som no er å finna på YouTube. Denne kan sjølvsagt også nytast i sin heilskap under den flunkande nye Video-fana her på www.tyyl.no.

Videoen viser bilete frå turnéavslutninga i Trondheim 21.08.2009. Takk til det fantastisk flotte publikummet og dei dyktige fotografane ved Studentersamfundet. Takk også til Grooveart™.

- Tyyl! -


06.11.2009: Asbestskandalen rullar vidare

Sidan eit samla medieskandinavia no fråtsar i detaljar kring den pågåande asbestskandalen i Herslebs gate, og følgjene denne har for det vidgjetne og smått blaserte rockeorkestret Tyyl!, her ved NRK - Asbest stoppa plateinnspelinga - og Sogn Avis - Plateinnspeling utsett på grunn av asbest - tykkjer me det er på sin plass å beroliga alle dykk der ute: 13 snasne låtar kjem til vinteren - som planlagt. Me er ellers i full gang med å booka eit tettpakka konsertprogram for første halvdel av 2010. Tyyl! sveittar for deg. Følg med!

- Tyyl! -


05.11.2009: I fjernsynet

Håvard og Jon var i dag gjester i musikkprogrammet Lutt på NRK. Dei fortalte mellom anna om den store asbestskandalen som har ramma Sounderground studio midt i innspelinga av Tyyl! sin første langspelar. Klikk her for å sjå innslaget.

Ellers har Lyd-fana her på tyyl.no fått seg ein shinings. Kos dykk!

- Tyyl! -


02.10.2009: Studiorapport

Me er altso, som tidlegare meldt her på tyyl.no, i studio for å spela inn vår første fullengdar. Nok ein gong er det Sounderground og deira upåklagelege fasilitetar som får køyrt seg når Tyyl! skal fanga fuzz på band. I første omgang spelar me inn seks nye låtar - "Evig mas", "Skuggeboksar", "Salt", "Erotikk", "Syndefloden" og "Høyr itte". Me har komme eit godt stykke på vegen, men framleis gjenstår mykje arbeid. Målet er at plata skal vera klar for lausslepp ein eller annan gong på nyåret. Me vågar herved å lova dykk raffare rock enn de nokon sinne har høyrt spelt av eit band frå Fardal.

Ellers er det kjekt å lesa at dei trufaste Tyyl!-tilhengjarane, Henrik Langeland og Steinar Nes, no har nådd toppen av sjølvaste Cho Oyo. Stå på karar!

- Tyyl! -


25.08.2009: Av vegen igjen

Då er me attende i gjenge etter ein drug månad med konsertar kringom i landet. Du og du so moro me har hatt det! Kvar enn me reiser vert me møtte med fulle hus og fantastisk stemning. Etter kvart vil det bli lagt ut fotografi og videoar frå turnéen her på tyyl.no.

I tida framover blir det dessverre færre moglegheiter til å sjå Tyyl! på scenen, i og med at me går i studio for å spela inn det som etter kvart skal bli ei plate. Følg med!

- Tyyl! -


17.06.2009: Nordlandssommerens evige dag...

Me er sprekkferdige av stoltheit over å kunna annonsera at Tyyl! kjem til Brønnøysund for å spela under Rootsfestivalen fredag 17. juli. Dette strålande arrangementet i "Byen midt i Noreg" har også Procol Harum, BigBang, The September When, Valentourettes, Audrey Horne, Tommy Tokyo & Starving For My Gravy, El Cuero, Brothers (!), Hedda Gamblers, Ska Patrols, Stig Angel`s Soul Experience og Freddy & the Casuals på plakaten. Dersom du tek turen til festivalen, får du høve til å sjå Tyyl! to gonger - først i teltet kl 19.30, so på klubben Kred kl 01.30. Me gler oss stort og håpar rock med tekstar på sognamål vil slå an i den lyse sommarnatta nordpå!

- Tyyl! -


11.06.2009: Hinsides og Samfundet

Gode nyheiter til Tyyl!-fans i Bergen og Trondheim: I august kjem me for å spela for dykk. Laurdag 8.8 inntek me Hinsides i Bergen (konsertscena til Inside Rock Cafe), etter først å ha ete oss gode og mette på den beste burgaren som er å få kjøpt her til lands. For oss som er sognastrilar er det sjølvsagt stas å få lov til å underhalda i sjølvaste Bergen by. Like gjevt er det å få spela på ærverdige Studentersamfundet i Trondheim. Dit kjem me fredag 21.8 i forbindelse med festivalen Pstereo, der Tyyl! er ein del av klubbkonseptet. Du skal ikkje sjå vekk frå at me kjem til å setja tennene i kvar vår 200 g med ost på Sesam også. Namnam!

Med dette er det klart at alle dei fire største byane i Noreg får besøk av Tyyl! i løpet av 2009.

- Tyyl! -


12.05.2009: Tyyl! til Fres

Finn fram filofaxen, bla opp 1. august og tusj inn "TYYL! PÅ FRES FESTIVAL"! Ikkje berre planlegg orkestret eit sviddluktande show - noko som burde vera grunn god nok til å ta turen - men artistar som Canoon, Ungdomskulen og The Generous Days er også stadfesta til det som blir den femte telt-, øl- og musikkfestivalen på Skau. Medan du ventar, kan du kika på bilete frå fjorårets Tyyl!-konsert på Fresn her, her og her. Ein snasen video frå festivalen ser du her.

- Tyyl! -


24.04.2009: Vinjerock og Målrock

Kjære venner! Me kan herved stadfesta at Tyyl! skal spela både på Vinjerock og Målrock i sommar. Vinjerock vert arrangert på Eidsbugarden i Jotunheimen 30. juli - 2. august og har mellom andre Bo Kaspers Orkester, Bigbang og CC Cowboys på programmet. Me spelar fredag 31. juli.
Målrock går føre seg på Årdalstangen helga etter, altså 7. og 8. august. Her skal Tyyl! varma opp for Turboneger mot slutten av fredagskvelden. Andre artistar på Målrock: Kaizers Orchestra, Vamp, Postgirobygget, Helene Bøksle, Bjørn Eidsvåg, Valkyrien Allstars, Strupetakarane og Eagles på sogning.

Her er det berre å skaffa seg billettar med ein gong!

Dessutan kan me avsløra at Tyyl! også er i avsluttande fase av forhandlingane med ein meget kredibel festival som vert arrangert litt lenger ute i fjorden. Følg med! Ellers vil me takka for godt oppmøte og god stemning på konsertane våre i Stavanger, Ås, Oslo og Lillehammer i vinter. Den overveldande mottakinga har vore inspirerande for oss, og me er no inne i ein svært produktiv periode der me prøver ut mykje nytt materiale i øvingslokalet. Allereie 31. mai vil de få høve til å høyra både ny og gammal godlyd, når Tyyl! inntek Utistu i Rindal.

Kjærleik!

- Tyyl! -


16.02.2009: Heimalamb

No kan du nyta låt nr 2 frå Tyyl! sin januar-session i Sounderground på Myspace eller lasta den ned frå Urørt. Da du ha, vil smaka da!

- Tyyl! -


12.02.2009: Revolusjon

Tyyl! er stolte av å presentera den første av to nye låtar: Revolusjon. Gå til Myspace eller Urørt for å henholdsvis lytta til eller lasta ned musikken. Versogod!

- Tyyl! -


09.02.2009: Sleppdato for Revolusjon/Heimalamb

Det nærmar seg frislepp av Tyyl! sine ferskaste ulydar. Torsdag i forrige veke vart siste instrumentale hand lagt på verket, då våre tre innlånte hornblåsarar var innom Sounderground og strødde litt krydder over "Revolusjon". Låtane er ferdig miksa og befinn seg no i kyndige master-hender. Sleppdato: Onsdag 11.02.2009. Følg med!

- Tyyl! -


14.01.2009: Ord til ettertanke

Tekstane til "Heimalamb" og "Revolusjon" er no å finna under menyvalet Tekstar. Det er altså desse låtane som skal spelast inn, når Tyyl! inntek Sounderground studio i slutten av månaden.

- Tyyl! -


02.01.2009: Til Stavanger

Godt nytt år! Laurdag 10/1 kjem Tyyl! til Stavanger og Checkpoint Charlie for å ta del i den store Zoom/Urørt-tevlinga. Dørene opnar kl 2000, og Tyyl! går på scenen kl 2145. Også Johnny Hancocks og Phantom Guardians blir å sjå på Checkpoint denne kvelden.

- Tyyl! -


23.12.2008: Tyyl! går i studio

Siste veka i januar går Tyyl! i studio for å spela inn to nye låtar. Også denne gongen har me valgt å bruka Sounderground i Oslo. For dei som tok turen til konsertane våre under Atterava?-turnéen i haust, vil låtane som no skal fangast på band vera velkjende. Me håpar og trur at "Heimalamb" og "Revolusjon" vil falla i smak hjå Tyyl!-fans verda over. Etter planen skal låtane vera klare i februar.

- Tyyl! -


19.12.2008: Programmet er klart

I dag vart programmet til neste års by:Larm offentleggjort. Det viser seg at Tyyl! skal spela på Mono torsdag 19.02 kl 20:00 og på Rockefeller fredag 20.02 kl 22:30. Fredagen vert ein skikkeleg djevelsk nordisk kveld, der Tyyl! deler scene med Beta Satan (DK), I was a Teenage Satan Worshiper (FIN), Small (DK) og Major Label (FIN). Kvart av banda får ein halvtime til å visa kva dei er gode for på scenen. Me gler oss!

- Tyyl! -

tyylrock@gmail.com