Hallo til bratte år
Livet krapt i svingen går
Treng ei bru for å veksa
Frå der eg står

Eg sver at eg hatar deg
Du er so teit og ynkeleg
som ikkje ser at eg er vorten stor

Eg lever ikkje i di tid,
ei for å gjera deg litt blid
Eg drit i deg, for eg får lov av mor

Kva med far?
Kva so?

Høyrer at du spør, eg har svara før
Evig mas
Eg dreg og kjem heim på søndag

Eit kjøtsår frå Amors pil,
og verdi rundt vert ustabil
Men kryssar du eit punkt, so vil du aldri snu

Kva med far?
Kva so?

Høyrer at du spør, eg har svara før
Evig mas
Eg dreg og kjem heim på søndag

Farvel til smale sti
Og til uskuldens tid
Treng ei bru for å veksa
Frå der eg står